Kurti bisedon me emisarin britanik për tensionet në veri: Në një demokraci nuk ka vend për dhunë fashiste
Kryeministri i Kosovës, Albin Kurti, ka zhvilluar një bisedë telefonike me të dërguarin e posaçëm të Britanisë së Madhe për Ballkanin Perëndimor, Stuart Peach, për situatën në veri të vendit.
Kurti ka bërë të ditur se me Peach ka folur për sulmet e serbëve ndaj policisë, KFOR-it dhe gazetarëve.
Ai ka thënë se në demokraci nuk ka vend për dhunë fashiste.
“Fola me Lordin Stuart Peach për sulmet e egra ndaj Policisë, KFOR-it dhe gazetarëve. Në një demokraci nuk ka vend për dhunë fashiste… Qytetarët e të gjitha etnive kanë të drejtë në shërbim të plotë dhe të papenguar të zyrtarëve të tyre të zgjedhur.” – ka shkruar Kurti.
Kurti gjatë këtyre ditëve ka pasur takime e biseda me zyrtarë të huaj për shkak të tensioneve në veri.
Kujtojmë se dje për shkak të dhunës së protestuesve, u lënduan 25 ushtarë të KFOR-it teksa u sulmuan edhe gazetarët.
Spoke w/ 🇬🇧 SE Lord Stuart Peach about the outrageous attacks on Police, KFOR & journalists. In a democracy there is no place for fascist violence—no appeal from ballot to bullet. Citizens of all ethnicities have a right to full & unencumbered service of their elected officials.
— Albin Kurti (@albinkurti) May 29, 2023
