Kremlini thotë se Putini është ftuar t’i bashkohet “Bordit të Paqes” të Trumpit
Kremlini ka njoftuar se Vladimir Putini është ftuar t’i bashkohet “bordit të paqes” të Donald Trumpit, i krijuar javën e kaluar me synimin për të mbikëqyrur një armëpushim në Gaza,shkruan The Guardian.
Zëdhënësi i Kremlinit, Dmitry Peskov, u tha gazetarëve të hënën se Rusia po kërkon të “sqarojë të gjitha nuancat” e ofertës me Uashingtonin, përpara se të japë përgjigjen e saj.
Ftesa e pretenduar vjen në një kohë kur Putini nuk tregon shenja se do t’i japë fund pushtimit të Ukrainës, gjatë të cilit janë vrarë qindra mijëra njerëz dhe trupat ruse kanë kryer disa mizori ndaj civilëve. Presidenti rus ka refuzuar vazhdimisht propozimet për armëpushim përgjatë vijave aktuale të frontit.
Kremlini bëri të ditur gjithashtu të hënën se i dërguari special i Putinit, Kirill Dmitriev, do të marrë pjesë këtë javë në Forumin Ekonomik Botëror në Davos dhe do të takohet atje me anëtarë të delegacionit amerikan. Nuk është e qartë nëse këto takime do të përfshijnë diskutime rreth bordit për Gazën.
