Katër raste të dhunës në familje për 24 orë në Kosovë
Katër raste të dhunës në familje janë raportuar brenda 24 orëve në Kosovë.
Sipas raportit të policisë, në të gjitha këto raste, cak i dhunës kanë qenë gratë nga burrat e tyre.
Dy raste janë raportuar në Prishtinë dhe me nga një rast në Prizren e Pejë.
Raporti i plotë:
DHUNË NË FAMILJE
Prishtinë / 08.05.2024 – 03:00. Viktima femër kosovare ka raportuar se pas një mosmarrëveshje me bashkëshortin e saj, ky i fundit dyshohet se e ka sulmuar fizikisht atë. Me vendim të prokurorit rasti shkon në procedurë të rregullt.
Prishtinë / 08.05.2024 – 19:30. Viktima femër kosovare ka deklaruar se është sulmuar fizikisht nga bashkëshorti i saj. I dyshuari është në kërkim policorë përderisa rasti vazhdon të hetohet.
DHUNË NË FAMILJE
Prizren / 07.05.2024 – 18:00. Raportohet se i dyshuari mashkull kosovar dyshohet se ka sulmuar fizikisht bashkëshorten dhe vajzën e tij. Nuk raportohet për të arrestuar, përderisa rasti është duke u hetuar.
DHUNË NË FAMILJE
Pejë / 07.05.2024. Më 08.05.2024 viktima femër kosovare ka deklaruar në polici se ka pasur dhunë psikike duke mos u lejuar të kthehet në shtëpi nga bashkëshorti i saj i dyshuari mashkull kosovar. I dyshuari është arrestuar dhe pas intervistimit me vendim të prokurorit është dërguar në mbajtje.
