Kanosje dhe lëndime në Ferizaj, dy persona vihen nën pranga
Një person është kërcenuar nga një person i cili kishte marrë lëndime trupore nga një tjetër person në Ferizaj, saktësisht në fshatin Komogllavë.
Policia e Kosovës ka bërë të ditur se rreth rastit janë arrestuar dy persona si të dyshuar.
“Sot, rreth orës 13:00 policia e stacionit në Ferizaj ka pranuar një informacion se në fshatin Komogllavë të Ferizajt ishte një rast i lëndimit trupor dhe kanosjes”.
“Në lidhje me këtë, policët e rendit e më pas edhe policët hetues menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar dy personat: I.H (M/K) i moshës 53 vjeçar, i cili shkak i një mosmarrëveshje i kishte shkaktuar lëndime trupore personit B.H ( M/K) i moshës 42 vjeçar, i cili për ndihmē mjekësore dërgohet në Qendrën Emeregjente në Ferizaj, e më pas ky i fundit kanos I.H”.
“Policia dy të dyshuarit i ka shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, të dy të dyshuarit dërgohen në mbajtje për 48 orë për procedura të mëtejme hetimore, ndërsa rasti është cilësuar ” Lëndim i lehtë trupor dhe kanosje”, thuhet në njoftimin e Policisë.
