Isa Mustafa i përgjigjet asistentit të Kurtit: Jam mirë me shëndet, shpresoj që edhe ai 'qullash' të jetë mirë
Ish-kryeministri i Kosovës, Isa Mustafa ka reaguar pasi Arianit Beqiri, asistent i kryeministrit Albin Kurti, u tall me shëndetin e tij.
Musatafa në një prononcim për Insajderin, ka deklaruar se është mirë me shëndet, derisa e quajti “qullash” Beqirin.
“Unë jam mirë me shëndet. LDK është shumë mirë. Edhe ai qullash i Albin Kurtit uroj të jetë mirë!” – ka thënë ai.
Për të mirën e Prishtinës sonë: tash me punë të ndërshme, përparimtare e ndryshime të mëdha. pic.twitter.com/W7nCTnGLyL
— Arianit Beqiri (@ArianitBeqiri) June 8, 2023
Ndryshe, Arianit Beqiri, asistent ekzekutiv i kryeministrit Albin Kurti dhe këshilltar i VV-së në asamblenë e Komunës së Prishtinës, ka bërë një postim skandaloz në Tëitter.
Në shkrimin e tij, ai e ka postuar një fotografinë të tijën me bastun dhe të Mustafës, po ashtu për bastun, të cilën e mban vazhdimisht për shkak të gjendjes shëndetësore jo të mirë.
“Shkatërruesit e LDK-së” – ka shkruar Beqiri, duke e përcjellur me dy “emoji”, njëra nga të cilat është ajo e të qeshmes me lot.
Një reagim i tillë, u kritikua shumë nëpër rrjete sociale.
