Hoxhë Shefqet Krasniqi thotë se po sheh mundësinë ta organizojë një iftar për të dy sekset - NACIONALE
NACIONALE

Hoxhë Shefqet Krasniqi thotë se po sheh mundësinë ta organizojë një iftar për të dy sekset

4 vjet më parë

nga NACIONALE

Hoxha i mirënjohur, Shefqet Krasniqi, ka bërë një ‘sqarim’ në profilin e tij në Facebook pas kritikave të shumta se kishte organizuar iftar/promovim librash vetëm për burra.

Hoxha është shprehur se ne e dimë shumë mirë qëndrimin e tij “si për meshkuj, ashtu edhe për femra” ani pse këto qëndrime janë kontestuar vazhdimisht nga grupet feministe.

Në pjesën tjetër të reagimit thuhet që hoxha në fjalë ka organizuar tubime duke mbledhur të dy gjinitë në të kaluarën jo të largët.

“Hoxha ka organizuar më shumë se njëherë tubime ku janë mbledhur të dy gjinitë, qoftë nëpër tribuna, qoftë edhe për hirë të ndonjë ahengu, tubimi apo diç të ngjashëm, si fjala bie në sallën "1 Tetori"”, shprehet stafi i hoxhës.

Nga ky reagim lihet të kuptohet se z. Krasniqi është kritikuar nga gratë myslimane që kanë dashur të përfshihen në këtë iftar/promovim ku kishim marrë pjesë edhe shumë politikanë, përfshirë kryetarin e Gjilanit, Alban Hysenin, si dhe deputetët Eman Rrahmani, Gramos Agusholli, Visar Korenica, Bekë Berisha e Mërgim Lushtaku.

Po ashtu, në atë iftar kishte pasur edhe këngëtarë e aktorë.

“Sa i përket iftarit të propozuar, sigurisht se hoxha do ta shohë mundësinë, ashtu sikurse që do ta shohë mundësinë e pjesëmarrjes së dy gjinive në propomivimin e librave të radhës, e që kjo me gjasë do të ndodhë gjatë këtij viti”, shkruhet në pjesën e fundit të reagimit.

R E A G I M I i plotë:

Bismilahi rrahmani rrahim.
Të nderuara motra dhe vëllezër. Selam alejkum ue rahmetullah.
Pas hapjes së një debati rreth një iftari të propozuar nga disa motra që hoxha Shefqeti ta organizojë enkas për motra, dhe pas asaj çfarë u tha më pas, ne pamë të udhës që t'i themi disa fjalë:
Ju e dini shumë mirë qëndrimin e hoxhës si për meshkuj ashtu edhe për femra. Ai çdoherë ka ngritur zërin për t'i mbrojtur femrat dhe të drejtat e tyre që u takojnë dhe ka dhënë kontributin e tij aq sa ka pasur mundësi, madje për këtë është mbase ndër të parët në vend. Hoxha ka organizuar më shumë se njëherë tubime ku janë mbledhur të dy gjinitë, qoftë nëpër tribuna, qoftë edhe për hir të ndonjë ahengu, tubimi apo diç të ngjashëm, si fjala bie në sallën "1 Tetori". Hoxha mirëpret debatet dhe angazhimet e motrave shqiptare besimtare, të cilat e ngrisin zërin për të drejtat e veta, për ta mbrojtur Islamin, për të bërë davet, madje edhe për të kërkuar iftare nga hoxhallarët, e ndër ta edhe nga vetë hoxha Shefqeti. Ngritja dhe vetëdijesimi i motrave është në nivel më të lartë se kurdoherë më parë dhe këtë sigurisht se shumë e çmon hoxha. Ndaj, vazhdoni të punoni e të kontribuoni për të drejtat tuaja në veçanti, e për fe e atdhe në përgjithësi.
Sa i përket iftarit të propozuar, sigurisht se hoxha do ta shohë mundësinë, ashtu sikurse që do ta shohë mundësinë e pjesëmarrjes së dy gjinive në propomivimin e librave të radhës, e që kjo me gjasë do të ndodhë gjatë këtij viti.
Qofshi faqebardhë, e agjërim të pranuar.
Respekt nga stafi!
Tjera:

Lajme të ngjashme