Hoti del me shifra: Qeveria Kurti rriti subvencionet e zvogëloi investimet - kështu nuk zhvillohet ekonomia
Ish-kryeministri i Kosovës dhe deputeti i LDK-së, Avdullah Hoti, ka prezantuar shifrat të cilat sipas tij tregojnë që Qeveria Kurti ka rritur subvencionet dhe ka zvogëluar investimet.
Ai ka thënë se mjerë për atë ekonomi ku rriten subvencionet e zvogëlohen investimet.
Duke prezatuar këto shfira që tregojnë rritjen e subvencioneve, Hoti ka thënë se “kështu nuk zhvillohet ekonomia, por rritet varësia e qytetarëve nga skemat sociale.”
Shkrimi i tij:
Mjerë për atë ekonomi ku rriten subvencionet e zvogëlohen investimet.
- subvencionet dhe transferet janë rritur për +70%,
- investimet kapitale janë zvogëluar për -21%.
Nuk ka zhvillim ekonomik me subvencione e transfere. Rritja e subvencioneve dhe transfereve është shenjë varfërie.
Ja çfarë kanë bërë qeveritarët majtistë në vitin 2022:
- 41% të buxhetit e kanë shpenzuar në subvencione dhe transfere (më 2019 ka qenë 30%)
- 16% të buxhet e kanë shpenzuar për investime kapitale (më 2019 ka qenë 25%).
Ky raport do të duhej të ishte i kundërt. Kështu nuk zhvillohet ekonomia, por rritet varësia e qytetarëve nga skemat sociale. Asnjë ekonomi nuk është zhvilluar duke e shpenzuar 42% të buxhetit në subvencione, por duke shpenzuar më shumë në investime kapitale publike edhe private. Vetëm investimet e zhvillojnë ekonominë, pasi ato e rrisin kapacitetin prodhues.
