Haxhiu: Nga dje Albin Kurti është ministër i ri i Shëndetësisë
Deputeti i PDK-së, Bekim Haxhiu, ka kritikuar kryeministrin Kurtin për themelimin e komisionit për shëndetësi.
Në seancën e sotme të Kuvendit, ai ka thënë se nga dje, kur është themeluar ky komision, Albin Kurti është ministër i ri i Shëndetësisë.
“Albin Kurti dje themelojë një komision për shëndetësi, duke amnistuar dhe legjitimuar të gjitha keqpërdorimet në shëndetësi. Nga dje Albin Kurti edhe zyrtarisht është ministër i ri Shëndetësisë dhe është përgjegjës për shëndetësinë, për lista e gjata të gjata të pacientëve, është përgjegjës për mungesën e barnave dhe pagat e ulëta”, ka thënë ai.
Haxhiu është lutur që shëndetësia të mos e këtë fatin e energjisë.
“Lutem shumë që shëndetësia e jonë mos e ketë fatin e energjisë, sepse tash në krye te shëndetësisë e kemi një inxhinier të dështuar të energjisë”, ka thënë ai.
