Haradinaj mirëpret marrëveshjen për targa: Tani të përmbyllet njohja
Ish-kryeministri i Kosovës, Ramush Haradinaj e ka mirëpritur marrëveshjen në Bruksel për çështjen e targave mes Kosovës dhe Serbisë.
Kryetari i Aleancës për Ardhmërinë e Kosovës shkruan në llogarinë e tij në Facebook se tani pret që të përmbyllet marrëveshja e plotë me Serbinë.
“Mirëpres arritjen e marrëveshjes për targa. Tani të përmbyllet marrëveshja për njohje, me lidership Amerikan”, ka shkruar Haradinaj.
Arritja e marrëveshjes është konfirmuar nga kryediplomati evropian i Politikës së Jashtme, Josep Borrell.
“Me kënaqësi ju njoftoj se kryenegociatorët e Kosovës dhe të Serbisë, nën lehtësimin e BE-së, kanë rënë dakord për masat, për të shmangur përshkallëzimin e mëtejshëm dhe për t'u përqendruar plotësisht në propozimin për normalizimin e marrëdhënieve mes tyre”, ka shkruar Borrell.
