"Hap i rëndësishëm", Kurti komenton kalimin e testit të parë të Kosovës drejt KiE
Kryeministri i Kosovës, Albin Kurti, ka reaguar në X pasi Kosova e kaloi me sukses testin e parë në rrugën drejt anëtarësimit në Këshill të Evropës.
Kreu i qeverisë e quajti këtë një hap shumë i rëndësishëm, duke shtuar se opinionin e sotëm do ta hedh në votim Asambleja Parlamentare e Këshillit të Evropës.
"Sot Komisioni për politikë dhe demokraci i Asamblesë Parlamentare të Këshillit të Evropës ka bërë një hap të rëndësishëm përpara për Kosovën. Opinioni konfirmon përmbushjen e të gjitha parakushteve të anëtarësimit nga ana e Kosovës dhe rekomandon t’i bëhet ftesë Kosovës që t’i bashkohet Këshillit të Evropës si si shtet anëtar. Asambleja Parlamentare e Këshillit të Evropës do të votojë Opinionin në prill”, ka shkruar Kurti.
Today, @PACE_Political has taken a significant stride forward for Kosova. The Opinion confirms Kosova's fulfillment of all membership prerequisites and recommends extending an invitation for Kosova to join the @coe as a member state. @PACE_News will vote on the Opinion in April.
— Albin Kurti (@albinkurti) March 27, 2024