Hamza në Reçak: Programi im nuk është thjesht premtim, por mundësi që vendi ynë ofron

Kandidati i Partisë Demokratike të Koovës për kryeministër të Kosovës, Bedri Hamza, ka vizituar Reçakun ku ka takuar banorë të fshatit.

“Programi im nuk është thjesht një premtim për të nesërmen. Është një kambanë që fton çdo qytetar të besojë në forcën e tij, në mundësitë që vendi ynë ofron”, tha Bedri Hamza.

“15 janari i vitit 1999 ishte një thirrje zgjimi për ndërgjegjen botërore dhe mbetet një kujtesë e përhershme e nevojës për drejtësi. Sot është një thirrje për të mos harruar, por për të punuar shumë për një të ardhme më të mirë. Ne folëm edhe për ekonominë, shëndetësinë, arsimin dhe jo vetëm për drejtësinë e munguar”, tha Hamza.