Hamza merr sugjerimet e qytetarëve në Kamenicë: Programi duhet me qenë për qytetarët, jo për qeveritarët
Kandidati i PDK-së për kryeministër, Bedri Hamza, punëtorinë e radhës e ka zhvilluar me qytetarë të Komunës së Kamenicës.
Në këtë takim me qytetarët, Hamza ka marrë sugjerime të ndryshme nga qytetarët për shëndetësi, ekonomi dhe punësim.
Në videon e publikuar në profilin e tij në “Facebook”, Hamza thotë se programi duhet me qenë për qytetarët, jo për qeveritarët.
“Programi nuk duhet me qenë për kabinetin e ministrave, as për deputetë. Programi duhet me qenë për qytetarët. Nëse ne arrijmë t’i adresojmë brengat e qytetarëve, preokupimet e qytetarëve, ne ia kemi dalë”, ka thënë Hamza.
Paraprakisht, Hamza ka zhvilluar punëtori të tilla me qytetarët në Gjakovë, Ferizaj dhe Vushtrri.
