Gruda para seancës konstitutive: Pas 16 shtatorit vendosim a do t’i drejtohemi Gjykatës Kushtetuese

Përparim Gruda i Partisë Demokratike të Kosovës tha se si parti do të shohin pas 16 shtatorit nëse do t’i drejtohen Gjykatës Kushtetuese për çështjen e kuvendit që po mban seancë konstitutive të pasafatshme.

Ai tha se tejkalimi i afateve kushtetuese nuk e përjashton detyrimin për konstituim anipse ka dilema mbi kushtetuetshmërinë dhe legalitetin e një kuvendi të konstituuar në atë mënyrë.

“Tjerat i deklarojmë në seancë. Kryetari Hamzta do të ketë adresim. Kuvendi duhet të themelohet qoftë edhe pas afatit kushtetues. Shkelja e afatit nuk e zhbën detyrimin për konstituim. Mirë që erdhëm këtë ditë, e shpresoj të mos jetë lojë e radhës politike. Vendimet që dalin nga ky kuvend mendoj që e vendos në pikëpyetje dhe kushtetuetushmërinë dhe legalitetin e këtij kuvendi. Por këtë do ta shohim. Mas 16 shtatorit jemi në kapitull të ri dhe pastaj vendosuim nëse çështja do të shkojë në gjykatë kushtetuese,” tha ai.