Gjermania thotë se do të dërgojë në Kosovë 150 ushtarë në pranverë
Gjermania do të dërgojë në Kosovë rreth 150 ushtarë në prill të vitit të ardhshëm, tha të premten një zëdhënëse e Ministrisë së Mbrojtjes të Gjermanisë.
Dërgimi i planifikuar i ushtarëve gjermanë vjen pas tensioneve vdekjeprurëse në pjesën veriore të Kosovës muajin e kaluar, duke nxitur frikë për eskalim në rajonin me shumicë serbe 15 vjet pas shpallës së pavarësisë së Kosovës, raporton agjencia “Reuters”.
Zyra e kancelarit gjerman, Olaf Scholz, u pajtua këtë javë për planet e ushtrisë për dërgimin e një kompanie të përforcuar të ushtrisë gjermane prej rreth 150 ushtarësh në Prishtinë në përkrahje të misionit të NATO-s, KFOR, raportoi më herët revista gjermane, “Der Spiegel”, duke cituar burime të paidentifikuara.
Sipas këtij raportimi, ardhja e ushtarëve gjermanë do të lirojë një kompani austriake të vendosur në Kosovë, pasi Austria e kishte kërkuar këtë nga Gjermania kohë më parë.
