Gjenerali dhe eurodeputeti Terras: Serbia po mëson nga Rusia, mund ta sulmojë Kosovën
Deputeti i Parlamentit Evropian, Riho Terras, që më herët ka qenë edhe oficer ushtarak në Estoni ka komentuar situatën e tensionuar në veri të Kosovës.
Ai ka deklaruar se Serbia “mund ta sulmojë Kosovën” duke mësuar nga (sic) “vëllai i madh” Rusia.
“Raportimet nga Kosova janë shumë brengosëse. Serbia po mëson nga vëllai i madh dhe mund ta sulmojë Kosovën. Duhet të qëndrojmë të fortë në Nato dhe Grupin e Partive Popullore Evropiane.” – shkruan Riho Terras.
The reports from #Kosovo are very worrying. #Putlers proxy #Serbia is learning from big brother and may attack Kosovo. We need to stay strong in @NATO @EPPGroup @EP_ForeignAff
— Riho Terras (@RihoTerras) July 31, 2022
Terras ka marrë gradën e gjeneralit të ushtrisë estoneze në vitin 2017. Paraprakisht, ai kishte qenë edhe Komandant i Forcave Mbrojtëse të Estonisë (2011-2018).
Për situatën ka reaguar edhe deputetja ukrainase Inna Sovsun, e cila ka denoncuar po ashtu Serbinë.
“Dëshira imperialiste e Serbisë për ta kapur Kosovën është imitim i dëshirës së Rusisë për ta kapur Ukrainën. Ukraina iu mbështet.” - ka shkruar ajo.
