Fotoja e Mefit, Kusari-Lilës e Kollçakut duke lexuar Kushtetutën e cila po komentohet shumë

Një fotografi e kapur nga fotografi i Nacionales, Visar Kadrolli në Kuvendin e Kosovës po shpërndahet me të madhe nëpër rrjete sociale.

Aty shihen tre deputetë të Vetëvendosjes, Mefail Bajqinovci, Mimoza Kusari – Lila e Fatmire Kollçaku duke lexuar Kushtetutën.

Fotoja ka marrë shumë pëlqime në faqen e Nacionales.

Ndërkohë, e njëjta është shpërndarë edhe nga figura të ndryshme nëpër rrjete sociale, derisa u shkrep pak para nisjes së seancës konstituive.

Theksojmë se 120 deputetët e Kuvendit të Kosovës kanë votuar që raporti i ri të hartohet nga komisioni që është formuar më 15 prill.

“Konstatojmë se 120 deputetë janë për komisionin e njëjtë. Lus anëtarët e komisionit të mblidhen për 30 minuta dhe të përpilojnë raportin e ri të Komisionit për Verifikimin e Mandateve të deputetëve” – ka thënë kryesuesi i seancës, Avni Dehari.

Më pas, komisioni është mbledhur dhe deputetët e Kuvendit të Kosovës janë në pritje të raportit të ri.