“Fjalor desperado”, përveç serbisht, Gashi foli pak edhe spanjisht: Kurti ia ka bërë bajat politikën opozitës
Blerim Gashi, analist në Kanal 10, dje ishte në element interesant. Në analizën e tij, ai në një rast foli në gjuhën serbe, duke e falënderuar Branislav Kërstiqin, analistin serb që e njeh shtetin e Kosovës.
Ndërsa në një analizë tjetër rreth opozitës, z. Gashi përdori edhe një term spanjisht për të shpjeguar gjendjen e opozitës, sipas tij.
“Prapë insistoj ta përdori këtë shprehjen e famshme, ua ka bo bajat politikën kryeministri Kurti për të qenë analiza më e thjeshtë dhe më e butë. Normal, në situatën e deshpëruar, depresive, nga humbja e thellë politike dhe nga fitoret e një pas njëshme në arenën ndërkombëtare dhe në ruajtjen e aleancës me Amerikën, eksponentë të rëndësishëm të opozitës në parlamentar, përdorin fjalor të “desperadosave”.” – theksoi Gashi.
