Deputetët e SPD-së miratuan në Bundestag qëndrimin për anëtarësimin e Ballkanit Perendimor në BE
Grupi parlamentar i SPD-së së Bundestagut gjerman kanë miratuar qëndrimin e tyre rreth mbështetjes së Ballkanit Prendimor drejt antarësimit në Bashkimin Evropian.
Socialdemokratët gjerman qëndrimin e tyre të titulluar “Mbështetje për Ballkanin Perëndimor në rrugën drejt Bashkimit Evropian”.
Deputetët SPD-së riafirmuan objektivin e anëtarësimit të plotë në BE për Kosovën, Shqipërinë, Malin e Zi, Maqedoninë e Veriut, Bosnjë e Hercegovinën dhe Serbisë.
Deputeti gjermano-kroat, Josip Juratoviq, anëtar i SPD-së, ka publikuar përmbajtjen e dokumentit, të cilin edhe e ka përshëndetur.
“Që nga premtimi i Këshillit Evropian në Selanik në vitin 2003, BE-ja ka humbur shumë besim dhe besueshmëri në rajon për shkak të hezitimeve dhe bllokimeve në politikën e zgjerimit, të cilat shpesh shkaktoheshin nga politika e brendshme. Aktorët nacionalistë lokalë përfituan nga kjo, të cilët në veçanti nxisin konflikte etnike me qëllim që të përvetësojnë strukturat dhe burimet shtetërore dhe në këtë mënyrë të minojnë progresin në demokraci dhe shtetin e së drejtës”, shpjegon Juratoviq, deputet dhe raportues i SPD-së për Ballkanin Perëndimor në Komisioni i Komisionit të BE-së në Bundestagun gjerman.
Juratoviq thotë se grupi parlamentar i SPD-së ka përcaktuar tre prioritete të rëndësishme në pozicionin e tyre.
“Në të kaluarën, elitat etniko-nacionaliste nëpër qeveri ishin shpesh personat qendrorë të kontaktit në rajon, në të ardhmen demokracia duhet të forcohet në vend të stabilokracisë, veçanërisht përmes bashkëpunimit me partnerët demokratë dhe të orientuar drejt reformave në parlament. Në të njëjtën kohë, ekziston nevoja për një qasje më fleksibile ndaj përshtatjes dhe kushtëzimit në procesin e anëtarësimit, një qasje që shpërblen më shpejt progresin nëpërmjet rritjes së përfshirjes dhe bashkëpunimit, por nga ana tjetër sanksionon qartë kthimin prapa. Ndihma financiare duhet të lidhet rreptësisht me forcimin e shtetit të së drejtës, mediave të pavarura dhe institucioneve demokratike. Së fundi, Klubi i Përfaqësuesve vë në dukje rëndësinë e tejkalimit të konflikteve etniko-nacionaliste duke promovuar bashkëpunimin rajonal, në nivel të shtetit dhe shoqërisë civile, dhe e konsideron këtë si gur themeli dhe çelës për zhvillimin afatgjatë pozitiv në Ballkanin Perëndimor”, tha Juratoviq.
Ai foli edhe për Procesin e Berlinit, duke thënë se i njëjti solli dinamikë të re në rajon në fund të vitit të kaluar përmes marrëveshjeve, ndër të tjera, për aksesin në tregun e përbashkët rajonal, sigurinë energjetike, njohjen e kualifikimeve arsimore dhe dokumentet personale.
“Ne duhet ta shfrytëzojmë këtë mundësi për të përmbushur përgjegjësinë tonë ndaj popullatës vendase që ushqen ëndrrën evropiane për të jetuar në paqe, siguri dhe prosperitet. Është gjithashtu në interesin tonë si evropianë që të mos e lëmë Ballkanin Perëndimor të varur në tensionin e konflikteve gjeopolitike, por ta integrojmë fort në mjedisin tonë”, tha Josip Juratoviq.
