Deklarata e përbashkët e Kuvendit ndaj Aktgjykimit të Hagës “në përfundim e sipër”
Shefi i grupit parlamentar të AAK-së, Besnik Tahiri, ka thënë se deklarata e përbashkët lidhur me aktgjykimin ndaj katër ish-krerëve të UÇK-së është drejt përfundimit.
Tahiri tha se përfaqësuesit e partive politike u takuan në Kuvend për të diskutuar draftin dhe pikat kryesore.
“Deklarata është në përfundim e sipër dhe shpresoj që vjen në Kuvend”, tha ai.
Sipas Tahirit, në takim pati debat, por jo kundërshtime, ndërsa dallimet lidhen me përmbajtjen dhe gjatësinë e deklaratës.
