Dejona Mihali e ashpër me opozitën: Kushtetuesja s`mund t'ua shëroj frikën partive opozitare
Koordinatorja e Komiteteve të VV-së, Dejona Mihali, ka kritikuar opozitën pasi kjo e fundit ka dërguar në Gjykatë Kushtetuese për shqyrtim disa ligje.
Në profilin e saj në “Facebook”, ajo ka shkruar se kjo gjykatë as nuk mund t'ua shëroj frikën as të iu kthej ndershmërinë partive opozitare.
Sipas saj, pengesat me Gjykata Kushtetuese vetëm e vërtetojnë friken e opozitës.
“Gjykata Kushtetuese mundet vetëm ta vonoj pak atë që tashmë e kanë vendosur me votë qytetarët. Por gjykata kushtetuese as nuk mund t'ua shëroj frikën as t'ja kthej ndershmërinë tre subjekteve opozitare. Byroja për sekuestrimin e pasurisë së pajustifikueshme do të bëhet. Edhe Ligji për zyrtarët publikë. Edhe ai për çmimet në kohë krizash. E edhe ai për reformën në Këshill Prokurorial. Pengesat me Gjykata Kushtetuese vetëm sa vërtetojnë haptazi se çfarë përbërje të kalbur kanë së brendshmi opozita. Të parikuperueshëm”, ka shkruar Mihali.
