Debati për edukatën seksuale, Bogujevci: Burrat e "fortë" që përpiqen të sulmojnë gratë
Nënkryetarja e Kuvendit të Kosovës, Saranda Bogujevci, është inkuadruar në debatin për edukatën seksuale.
Deputetja e VV-së ka fajësuar media për këtë debat, duke thënë se po shpërndajnë gënjeshtra.
Duke harruar se mediat kanë kritikuar kryeministrit dhe ministrat tjerë, ajo pretendon se në këtë mandat po sulmohen kritikohen gratë.
“Kur nuk kanë se si ndryshe t’i mbledhin disa vota, fillojnë të përdorin edhe gjuhë degraduese deri në këtë masë. Sulmi është i qartë, janë bërë bashkë të gjithë: bukëpërmbysit, gjithologët dhe ata që s’kursehen duke shpërndarë gënjeshtra. E di që kanë dëshirë të kenë pushtet, qoftë edhe për një orë nëse është e mundur, por ja që populli është lodhur nga individë dhe grupe të tilla. Sulmuan Mimozën, Rozetën, Dejonën, dhe tani edhe Arberien. Një gjë ta keni të qartë, ju burrat e "fortë" që përpiqeni të sulmoni gratë me mendimin se kështu fitoni: dijeni që nuk do të zmbrapsemi, do të luftojmë çdo betejë. Vendosni bërrylat sa të doni, kot e keni”, ka shkruar Bohujevci.
