Sami Lushtaku thotë se nuk ka informata për plagosjen e dy policëve në Skenderaj
Ish-komandanti i gardës ceremoniale të TMK-së, dhe ish-nënkryetari i Skenderajt, Nuredin Lushtaku po dyshohet se është përfshirë në një plagosje të dy policëve mbrëmë në Skenderaj.
E për këtë ka folur për Nacionalen Sami Lushtaku. Ai tha se lajmin e ka parë në media, por se nuk është në rrjedha se çfarë ka ndodhur.
“Po lajmin e pashë në media, por në të vërtetë nuk kam informacione se çfarë ka ndodhur” tha Lushtaku.
Sami e Nuredin Lushtaku nuk njihen për marrëdhënie të mira me njëri tjetrin, pasi kanë pasur përplasje të mëdha gjatë një kohe për çështje të ndryshme.
