Bie fluksi për dokumente: Agjencia e Regjistrimit Civil i kthehet punës me orar të rregullt

Agjencia e Regjistrimit Civil i është kthyer punës me orar të rregullt.

Lajmin e ka bërë të ditur Ministria e Punëve të Brendshme.

Orari ishte zgjatur pas kërkesave të shumta për pasaporta e letërnjoftime.

Postimi:

Nga sot në të gjitha Qendrat për Pajisje me dokumente do të punohet me orar të rregullt

Agjencia e Regjistrimit Civil e Ministrisë së Punëve të Brendshme do të ndërpres punën me orar të zgjatur nga dita e sotme.

Ky vendim është marr bazuar në procesin e punës të departamenteve përkatëse për rënie të kërkesave për aplikim për dokumente, andaj bazuar në këtë trend është marr vendim që të punohet vetëm me orar të rregullt.

Në Qendrat për Pajisje me Dokumente do të punohet vetëm edhe këtë të shtune, datë 11.05.2024 dhe do të punohet nga ora 08:00, deri ne ora 16:00.