Basha fton në ora 17:00 përfaqësues të partive për të caktuar rendin e ditës për seancën konstitutive të nesërme

Dimal Basha i Vetëvendosjes, si bartës për herë të fundit të postit të Kryetarit të Kuvendit të legjislaturës së kaluar, ka dërguar ftesa te partitë politike për të dërguar përfaqësuesit e tyre për t’u mbledhur për në ora 17:00.

Kjo pas caktimit të seancës konstitutive të Kuvendit të Kosovës nga Presidentja e Kosovës, Vjosa Osmani, për nesër në ora 12:00.

Në ftesën që ka parë Nacionale, rendi i ditës është i shkruar për “Përgatitje për Seancën Konstitutive të Legjislaturës së 10-të”.