“Asniherë, te askush”: Kështu e mohon Sali Zyba të ketë ndikuar në punësimim e motrës në Ministri
Asniherë, te askush – thotë Sali Zyba kur pyetet nëse ka ndikuar për punësimin e motrës në Ministrinë e Drejtësisë.
Kryetari i Forumit Rinor të LDK-së njëherit kandidat për deputet, Paris Guri, përmes një video dje njoftoi për punësimin e motrës së deputetit të VV-së, Sali Zyba në ministrinë e Drejtësisë.
“Nga 73 aplikime në konkursin e Ministrisë së Drejtësisë, gjeni se kush është pranuar.
Motra e Salih Zybes, po pra, motra e deputetit të Vetëvendosjes, në Ministrinë e Albulena Haxhiut. Në Ministrinë e Drejtësisë.
Pikërisht dy muaj para zgjedhjeve kanë vendosur të rehatojnë motrat, dajët, vëllezërit, kushërinjtë, dhe çfarë jo tjetër.Me grante e me punësime.
Qashtu qysh keni me i kthy paret cent më cent. Keni për t'i liruar edhe institucionet publike, që i keni uzurpu me familjarë. Një nga një. Deri te i fundit” – tha veç tjerash Paris Guri në video.
Lidhur me këtë, Sali Zyba i Vetëvendosjes, në emisionin Frontal të televizionit 7, ka mohuar të ketë ndikuar në punësimin e motrës së tij, duke u përgjigjur si më poshtë:
"Jam në teren, jena me fushatë, a pe din.
Akuzat kanë adresë bre, a është organ bre. A është organ i ndjekjes, i akuzës, i gjykimit a çka është ai person?
Nuk kam pasë, me pas pasë, le t’ma procedon ni dëshmi, unë i përgjigjna organeve të drejtësisë.
Asniherë, te askush (nuk kam ndikuar për punësim)", tha ai.
