Arian Tahiri me shembull për sjelljen politike, uron Pecin për fitoren: Falënderoj të gjithë qytetarët

Kandidati i PDK-së për kryetar të Mitrovicës, Arian Tahiri, ia ka uruar fitoren Faton Pecit.

Tahiri ka thënë se është falënderues ndaj qytetarëve.

Postimi:

Qytetarë të Mitrovicës,

Ju falënderoj të gjithëve për besimin dhe përkrahjen që më dhatë në garën për Kryetar të Mitrovicës. Ishte një privilegj i madh të jem pjesë e një procesi demokratik që dëshmoi pjekurinë tonë politike dhe kulturën e lartë qytetare.

Rezultati i zgjedhjeve është shprehje e vullnetit tuaj dhe ky vullnet do ta ketë gjithmonë respektin tim.

Urime kundërkandidatit tim për fitoren! I uroj suksese në punën e tij për Mitrovicën.

Unë do të vazhdoj të jem në shërbim të Mitrovicës dhe të të gjithë qytetarëve, me ndershmëri, përkushtim dhe dashuri për qytetin tonë, si gjithmonë.

Faleminderit!