Analisti serb: Synimi i Perëndimit është anëtarësimi i Kosovës në NATO, plani evropian në fazën "merre ose lëre"
Lufta në Ukrainë prek edhe vendet e vogla si Serbia, kështu që tentativa për zgjidhjen e problemit me Kosovën po rritet, sipas Millovan Drecun, kryetari i të ashtuquajturës Këshilli serb për Kosovën në Kuvendin e Serbisë.
Sipas tij, vizita e Biden në Ukrainë është mesazhi i presidentit amerikan për Kievin është “nuk do të largohemi”, dhe se kjo tregon për një konflikt afatgjatë.
Ai tha se Amerika është mbështetësja më e fortë e Kosovës, e cila me po ndërton me shpejtësi ushtrinë për anëtarësim në NATO, shkruan RTS.
“Prandaj qëllimi i tyre në këtë fazë është që të mundësojnë anëtarësimin e Kosovës në strukturat euroatlantike, para së gjithash në NATO dhe ta lënë anëtarësimin në OKB për një fazë tjetër.” - tha Drecun.
Ai deklaroi se plani franko-gjerman ka arritur në fazën “merre ose lëre”.
Në këtë pikë, sipas tij, ndërtimi i një partneriteti strategjik me ShBA-në është i rëndësishëm për Serbinë.
“Shtetet e Bashkuara janë ende fuqia dominuese këtu dhe mendoj se në të gjitha vlerësimet tona duhet të kemi parasysh se çfarë do të ndodhë në periudhën e ardhshme, dhe ky është një pozicion shumë, shumë i fortë i SHBA-së që nuk mund t'i afrohet asnjë. Fuqia konkurruese këtu, as Rusia, as Kina me ndikimin dhe praninë e saj.” - deklaroi ai.
“ShBA-të besojnë se historia e Kosovës ka përfunduar. Sigurisht që është ideja e tyre që në takimin e 27 shkurtit në Bruksel të diskutohet për propozimin evropian që ka arritur në fazën ku është në tavolinë sipas parimit "merre ose lëre"." - tha ai.
