‘Ajo që të gjithë e respektojnë’: Kush është Susie Wiles, emërimi i parë i Trumpit pasi u bë president
Tashmë është konfirmuar se presidenti i zgjedhur i Shteteve të Bashkuara të Amerikës, ka emëruar Susie Wiles si shefe të stafit, e cila do të jetë gruaja e parë që do ta mbajë këtë pozitë në Shtëpinë e Bardhë.
Sipas “Politico”, ka shumë arsye pse Trump zgjodhi Wiles për këtë pozitë. Ajo kryesisht i shmanget vëmendjes – me përjashtim të rasteve kur është dashur të kundërpërgjigjet se Trump nuk ka “gra të forta dhe intelegjente” në rrethin e tij.
Njerëz të afërt me Trump theksojnë se ajo pranoi të ndihmonte ish-presidentin në mars të vitit 2021, kur ai ishte në një pikë të ulët politike, dhe se ai e respekton mendimin e saj. Plus, ajo është personi i rrallë në botën e Trump që admirohet, besohet dhe respektohet gjerësisht nga ligjvënësit dhe punonjësit e rinj.
5 gjëra që duhet ti dini rreth saj
Eksperienca është në drejtimin e kampanjave – jo qeverisë
Ajo ka punuar me disa republikanë, nga Mitt Romney te Rick Scott
Ajo e ka kthyer universin politik jofunksional të Trump në diçka të organizuar.
Ajo është një lobiste për një kohë të gjatë dhe klientët e saj përfshinin kompaninë e duhanit Swisher International, derisa drejtonte njëkohësisht fushatën e Trump.
Ajo është vajza e drejtuesit legjendar të sportit, Pat Summerall.
Çfarë është thënë për të?
Kevin McCarthy, i cili mbetet në kontakt me Trump, kohët e fundit lavdëroi Wiles në "Guy Benson Show", duke thënë se ajo do të ishte një "shefe e shkëlqyer e stafit dhe duhet të bëjë punën".
Charlie Kirk, podkasteri konservator me ndikim dhe themeluesi i Turning Point USA, i cili bëri fushatë gjerësisht për Trump, u pajtua në një postim në X duke thënë: “Susie Wiles drejtoi fushatën më të mirë të Trump tri prej tyre. ... Ajo është e disiplinuar, është e zgjuar dhe nuk kërkon vëmendje. Ajo do të bëhej një shefe e jashtëzakonshme e stafit.” Ai u përkrah edhe nga përfaqësuesja e Floridës, Anna Paulina Luna.
“Susie është e vetmja që mund ta bëjë këtë” – ka thënë një këshilltar i Trumpit në kushte anonimiteti. “Susie është ajo që të gjithë e respektojnë”.
‘Ajo që të gjithë e respektojnë’: Kush është Susie Ëiles, emërimi i parë i Trump pasi u bë president
