AAK-ja premton rritje të pagave për punëtorët e arsimit për 50 për qind

Aleanca për Ardhmërinë e Kosovës ka premtuar rritje të pagave në arsim për 50 për qind.

Kjo është bërë me dije nga grupi i ekspertëve të AAK-së në leminë e Arsimit, i cili sot ka diskutuar disa nga prioritetet që do të përfshihen në Pogramit zgjedhor të AAK-së 2025-2028.

Në njoftimin e AAK-së janë përmendur 14 prioritet.

Njoftimi i AAK-së:

1. Sfidat në sistemin arsimor të Kosovës e determinojnë një reformë thelbësore te këtij sektori;

2. Rritja e buxhetit për Arsim në 6% të GDP-së;

3. Rritja e pagës për punëtorët e arsimit në të gjitha nivelet për 50%;

4. Përmirësimi i infrastruktures fizike duke u përshtatur me kriteret bashkëkohore;

5. Trajtimi në mënyrë të barabartë të universiteve publike dhe private përmes monitorimit të performancës;

6. Profilizimi i institucioneve të arsimit të lartë dhe pavarësimi financiar i tyre;

7. Tekste falas për arsimin parauniversitar;

8. Arsimi gjithëpërfshirës dhe garantimi i kuadrit profesional për fëmijet me nevoja të veçanta;

9. Rregullimi me ligj i arsimit plotësues në diasporë;

10. Negocim i kontratës së re kolektive me sindikatat e arsimit dhe palët tjera të interesit;

11. Trajnimet e vazhdueshme falas për të gjithë mësimdhënësit;

12. Çertifikimi dhe akreditimi i instituteve shkencore dhe krijimi i mundësisë për gjenerimin e të hyrave vetanake;

13. Rritje të sigurisë në shkolla;

14. Mbështetje të programeve për arsimin profesional sipas nevojave të tregut.