‘Kosova humbi 200 mijë banorë 4 vitet e fundit’: Selimi pyet ‘kush ishte në pushtet gjatë kësaj kohe’
Ish-kryediplomati Petrit Selimi ka reaguar pas publikimit të statistikave të ASK-së rreth numrit të banorëve në Kosovë.
Ai ka bërë një krahasim mes personave që janë larguar nga vendi prej vitit 2011 deri në 2019, dhe në katër vitet e fundit.
Në fund, ai ka pyetur se “kush ka qenë në pushtet këto katër vite”?
“Sipas statistikave zyrtare të ASK-së, Kosova ka humbur rreth 30 mijë banorë nga viti 2011 deri në 2019. Katër vitet e fundit, Kosova ka humbur edhe 200 mijë banorë. Hmm. Kush ka qenë në pushtet këto katër vitet e fundit?” – ka shkruar Selimi në “X”.
According to official statistics of @ask_rks, Kosovo lost some 30,000 (net) inhabitants from 2011 to 2019 (from 1,810,366 > 1,782,115). Last 4 years it has lost further 200,000 (net) inhabitants (2024 census: 1,586,659). Hmm. Who was in power these last 4 years? (Image: @VOANews) pic.twitter.com/maYeoyMd6y
— Petrit Selimi (@Petrit) July 12, 2024
Sipas statistikave preleminare të ASK-së, që i prezantoi ushtruesi i detyrës së drejtorit të ASK-së, Avni Kastrati, Kosova ka 1 milion e 586 mijë 659 banorë. Në bazë të regjistrimit të vitit 2011, Kosova kishte 1 milionë e 739 mijë banorë.
