“1984” - Pse ky roman është më i shituri në Rusi për vitin 2022?
Romani i famshëm i shkrimtarit anglez, George Orwell, “1984”, që përshkruan një skenë imagjinare, ku udhëheqësit totalitarë ua marrin të drejtën për të zgjedhur ose për të vepruar me qëllim që të mbahet përkrahja për luftëra të pakuptimta, është libri më i shitur përmes internetit në kategorinë e vet në Rusi.
Ky roman është shkarkuar më së shumti nga grupi i librave të zhanrit trillim më 2022 në platformën e kompanisë ruse për shitjen e librave përmes internetit, “LitRes”, dhe libri i dytë më i shkarkuar nga të gjitha kategoritë, raportoi të martën agjencia shtetërore ruse e lajmeve, “Tass”.
