Zyra e Netanyahut: Izraeli nuk është palë e memorandumit ShBA – Iran
Zyra e kryeministrit izraelit, Benjamin Netanyahu, tha se shefi i Qeverisë ka folur me presidentin amerikan, Donald Trump, për memorandumin e mirëkuptimit “në ardhje” me Iranin.
Përderisa Izraeli “nuk është palë e memorandumit të mirëkuptimit, kryeministri e shprehu vlerësimin e tij për zotimin e presidentit Trump që marrëveshja përfundimtare në përfundim të bisedimeve do t’i përfshijë heqjen e materialit të pasuruar, çmontimin e infrastrukturës për pasurim, kufizime ndaj prodhimit të raketave dhe ndërprerjen e mbështetjes së Iranit për prokurat e veta terroriste në rajon”, thuhet në një deklaratë, raporton gazeta “The Guardian”.
Ndërkohë, presidenti Trump tha më herët në rrjete sociale se ShBA-ja nuk do ta pushtojë Ishullin Kharg të Iranit, siç kishte paralajmëruar më herët, “nëse nënshkruajmë një marrëveshje”.
Sipas tij, marrëveshja është miratuar edhe nga lideri suprem i Iranit, Mojtaba Khamenei.
