Zelensky pas sulmeve të fundit ruse: Ukrainasit janë të pathyeshëm
Pas sulmeve të reja ruse në të gjithë Ukrainën, presidenti i vendit Volodymyr Zelensky ka thënë se ukrainasit janë “të pathyeshëm”.
Përmes një video-mesazhi në Telegram, ai ka thënë se, Ukraina do të rindërtojë infrastrukturën e dëmtuar nga sulmet e sotme dhe do t'i "kalojë të gjitha këto".
“Sot, Parlamenti Evropian e njohu Rusinë si një shtet terrorist... Dhe më pas Rusia vërtetoi se e gjithë kjo është e vërtetë duke përdorur 67 raketa kundër infrastrukturës, rrjetit tonë energjetik dhe njerëzve të zakonshëm,” u shpreh ai.
Më tej, ai njoftoi se Ukraina do të kërkojë një takim urgjent të këshillit të sigurimit të OKB-së për të diskutuar sulmet e fundit ruse kundër objekteve të prodhimit të energjisë.
I have instructed our Ambassador to the UN to request an urgent meeting of UNSC following today’s Russian strikes. Murder of civilians, ruining of civilian infrastructure are acts of terror. Ukraine keeps demanding a resolute response of international community to these crimes.
— Володимир Зеленський (@ZelenskyyUa) November 23, 2022
