Ylli shqiptar Asllani i bashkohet Interit
Mesfushori i Shqipërisë Kristjan Asllani i është bashkuar Interit nga Empoli të enjten, njofton klubi zikaltër.
Ylli shqiptar Asllani iu bashkua gjigantit italian Inter në një marrëveshje huazimi fillestar për 4 milionë euro, me detyrim blerjeje për 10 milionë euro në fund të sezonit 2022./23.
Në një njoftim në rrjetet sociale, Interi e bëri zyrtare mbërritjen e mesfushorit kuqezi në Meazza.
“Mirë se vjen Kristjan”, shkroi faqja e Interit në Twitter.
Asllani është vetëm 20 vjeç dhe sezonin debutues në Serie A e bëri me Empolin edicionin e kaluar, duke lënë mbresa me një gol dhe një asist në 23 paraqitje.
Në marrëveshjen për kalimin e Asllanit në Inter, sulmuesi 21-vjeçar i zikaltërve Satriano do t’i bashkohet Empolit në huazim.
✍️ + 📄 = Kristjan Asllani 🖤💙✅#ForzaInter #WelcomeKristjan pic.twitter.com/fhZRNHtK3p
— Inter (@Inter) June 30, 2022
