Vuçiq takohet me Macron, flasin për dialogun Kosovë-Serbi
Presidenti i Serbisë, Aleksandar Vuçiq është takuar në Paris me presidentin francez, Emmanuel Macron.
Vuçiq pas këtij takimit ka dhënë detaje, ku ka bërë të ditur se me Macron kanë folur për disa tema, duke përfshirë edhe dialogun me Kosovën.
“Një takim kuptimplotë dhe i rëndësishëm me mikun tim, presidentin francez, Emmanuel Macron, me të cilin diskutuam marrëdhëniet bilaterale, rrugën evropiane të Serbisë, vazhdimin e dialogut në mes të Beogradit dhe Prishtinës dhe çështje ekonomike të rëndësishme rajonale dhe globale.” – ka shkruar Vuçiqi, përcjell Klan Kosova.
