Vuçiq para fjalimit në OKB: Do të kërkojë mbështetje për zgjidhjen e problemit të Kosovës

Presidenti i Serbisë, Aleksandar Vuçiq, ka thënë se do të kërkojë nga të gjitha vendet mbështetje për zgjidhjen e problemit të Kosovës, para fjalimit të tij në Asamblenë e Përgjithshme të OKB-së

Ai theksoi se Kosova do të jetë pjesa më e rëndësishme e atij fjalimi. Duke iu përgjigjur pyetjes së një gazetari për modernizimin e paralajmëruar të forcave të sigurisë së Kosovës, Vuçiq pretendoi se Kosova, sipas Rezolutës 1244, nuk ka të drejtë të ekzistojë asnjë forcë të armatosur.

“Si e interpretojnë ata kur ne u themi se po e shkelin atë Rezolutë”. Të gjithë ata që i armatosin më pas thonë “Epo situata ka ndryshuar”, duke iu referuar viteve 2008 dhe 2009 kur i njohën. Ata ju thonë hapur, ne nuk na intereson realisht rendi publik ndërkombëtar, nuk na intereson asgjë dhe ne mund të bëjmë çfarë të duam”, tha Vuçiq, raporton Danas.