Von Cramon: Kosova duhet të miratojë aktgjykimin e Gjykatës Kushtetuese për Manastirin e Deçanit
Raportuesja për Kosovën në Parlamentin Evropian, Viola von Cramon, i ka bërë thirrje Qeverisë së Kosovës që të zbatojë aktgjykimin e Gjykatës Kushtetuese lidhur me manastirin e Deçanit dhe të tregojë se nuk ka qasje selektive kur bëhet fjalë për zbatimin e ligjit.
Ajo deklaroi se Raporti i këtij viti për Kosovën mbulon një gamë të gjerë çështjesh, duke përfshirë sundimin e ligjit, luftën kundër krimit të organizuar dhe korrupsionit, administratën publike dhe luftën kundër diskriminimit, duke shtuar se sundimi i ligjit do të thotë barazi për të gjithë.
Cramon tha në Twitter se raporti u bën thirrje autoriteteve të Kosovës që të bashkëpunojnë me partnerët ndërkombëtarë dhe të respektojnë plotësisht opinionin e Komisionit të Venecias.
#RuleOfLaw means equality for all.
— Viola von Cramon (@ViolavonCramon) July 5, 2022
Thus, I call the Kosovo government to implement the CC judgement regarding @DecaniMonastery and demonstrate that it does not have a selective approach when it come to the application of #RoL.
Ajo tha gjithashtu se dialogu i udhëhequr nga BE-ja ndërmjet Beogradit dhe Prishtinës është një element thelbësor i integrimit evropian të Kosovës dhe se pranimi në BE nuk do të ndodhë pa një marrëveshje normalizimi ligjërisht të detyrueshme.
