VIDEO: Ronaldo shënon het-trik në fitoren e thellë të Al Nassr ndaj Al Tai
Al Nassr ka shënuar fitore të thellë 5:1 ndaj Al Tai, ku ka shkëlqyer Cristiano Ronaldo me tre gola të shënuar.
Ylli portugez 39-vjeçar nuk do t'ia di për moshë, pasi ai tani ka shënuar golin e 26-të këtë sezon në Pro Ligën Saudite.
Otavio shënoi golin e parë të takimit për Al Nassr në minutën e 20-të, me rezultatin që u barazua nga Misidjan dy minuta më vonë.
Ghareeb e çoi skuadrën e Ronaldos në epërsi pas 45 minutave të para kur shënoi në minutat shtesë, i asistuar nga Sadio Mane.
Pjesa e dytë i takoi një futbollisti, pra Cristiano Ronaldos.
Ronaldo shënoi gol fantastik për 3:1 në minutën e 64-të, Sadio Mane sërish ishte në rolin e asistuesit.
GOAL: Al Nassr 3-1 Al Tai
— Pubity Sport (@pubitysport) March 30, 2024
Cristiano Ronaldo Scores!https://t.co/Mc9ejFPoeJ
Portugezi e shënoi golin e dytë personal në këtë takim vetëm tre minuta më vonë, kur një top të kthyer nga shtylla lehtësisht e çoi në rrjetë për 4:1.
GOAL: Al Nassr 4-1 Al Tai
— Pubity Sport (@pubitysport) March 30, 2024
CRISTIANO RONALDO SCORES A BRACE IN 2 MINUTES! https://t.co/bcxiUeXTTd
Het-trikun e tij e kompletoi tre minuta pa përfunduar takimi. Al Sulaiheem harkoi dhe Ronaldo u shkëput më së larti, për të shënuar me kokë për 5:1.
GOAL: CRISTIANO RONALDO SCORES A HAT-TRICK!pic.twitter.com/vH8NRpijfo
— Pubity Sport (@pubitysport) March 30, 2024
Ky ishte goli i 26 sezonal për Ronaldon në Ligën Saudite, me Al Nassr që gjendet në vendin e dytë me 59 pikë, 11 më pak se lideri Al Hilal, skuadër kjo që nuk di për humbje në këtë sezon.
