Vetëvendosje në Prizren dorëzon kallëzim penal ndaj kryetarit Shaqir Totaj - NACIONALE

Vetëvendosje në Prizren dorëzon kallëzim penal ndaj kryetarit Shaqir Totaj

2 javë më parë

nga NACIONALE

Qendra e Lëvizjes Vetëvendosje në Prizren ka dorëzuar sot kallëzim penal pranë Prokurorisë Themelore në Prizren ndaj kryetrait të kësaj komunë, Shaqir Totajt dhe vartësve të tij në komunën e Prizrenit,

Sipas VV-së, qeverisja e Totatjt e ka degraduar arsimin në Komunën e Prizrenit përmes zgjedhjes së drejtorëve partiakë dhe në kundërshtim me ligjet në fuqi.

Njoftimi i plotë:

KALLËZIM PENAL NDAJ SHAQIR TOTAJT DHE VARTËSVE TË TIJ

Sot, me datë 12.09.2022, Lëvizja VETËVENDOSJE! Qendra në Prizren ka dorëzuar Kallëzim Penal pranë Prokurorisë Themelore në Prizren ndaj Shaqir Totajt dhe vartësve të tij në Komunën e Prizrenit të cilët kanë degraduar arsimin në Komunën e Prizrenit përmes zgjedhjes së drejtorëve partiak dhe në kundërshtim me ligjet në fuqi.

Procesi i zgjedhjes së drejtorëve në institucionet edukativo-arsimore publike në Komunën e Prizrenit është përcjellur me parregullsi të shumta të cilat e kanë dëmtuar në masë të madhe integritetin dhe kredibilitetin e sistemit arsimor.

Lëvizja Vetëvendosje në Prizren, duke iu përgjigjur shqetësimeve të qytetarëve, prindërve dhe shoqërisë civile për proces jo transparent e të kundërligjshëm dhe duke marrë për bazë parimet themelore të zgjedhjes së drejtorëve, ai i depolitizimit dhe parimin e ligjshmërisë në proces që parashihen me udhëzimet në fuqi, përmes këtij kallëzimi penal kërkon që organet kompetente të shtetit, të ndërmarrin masat e duhura penale-juridike për të zbardhur të vërtetën me rastin zgjedhjes së drejtorëve në shkollat e Komunës së Prizrenit.

Qeverisja e re komunale çdo ditë e më shumë po e degradon qytetin tonë në çdo aspekt, andaj lidhur me këtë iu drejtohemi qytetarëve, atyre që iu mohohen të drejtat ligjore për shkak të veprimeve klienteliste dhe nepotiste të këtij pushteti, shoqërisë civile dhe akterëve të ndryshëm shoqëror që të veprojmë bashkarisht për të ndalur këtë degradim dhe për të detyruar organet komunale të veprojnë në bazë të ligjit dhe konform interesit publik gjatë ushtrimit të komptetencave të tyre.

Lëvizja VETËVENDOSJE!, Qendra në Prizren

Lajme të ngjashme