Vetaksident në Deçan, një person përfundon në spital me lëndime trupore
Një person ka mbetur i lënduar si pasojë e një vetaksidenti që ka ndodhur sot në Deçan.
Sipas Policisë së Kosovës, aksidenti ka ndodhur në rrugën "Tahir Zemaj", ku një automjet ka dalë nga rruga, duke shkaktuar lëndimin e drejtuesit.
Zëdhënësi i Policisë për rajonin e Pejës, Driton Rugova, ka konfirmuar se përveç dëmeve materiale, një person ka pësuar lëndime trupore.
"Si pasojë e këtij vetaksidenti, përveç dëmeve materiale, një person ka pësuar lëndime trupore dhe është dërguar në Spitalin Rajonal të Pejës për trajtim mjekësor", deklaroi Rugova.
Policia ka dalë në vendin e ngjarjes dhe po merret me zbardhjen e rrethanave që çuan në aksident.
