Ushtarakët e Shqipërisë trajnohen në Qendrën Ndërkombëtare për Kërkim Shpëtim të FSK-së
Ushtarakët e Ushtrisë së Shqipërisë kanë nisur stërvitjet e tyre në Qendrën Ndërkombëtare për Kërkim Shpëtim të Forcës së Sigurisë së Kosovës.
Në këtë trajnim është duke realizuar trajnimin bazik për kërkim-shpëtim urban në Qendrën Ndërkombëtare për Kërkim-Shpëtim (QNTKSH) të FSK-së.
Lajmi u bë i ditur nga ministri i Mbrojtjes Armend Mehaj përmes një postimi në llogarinë e tij në Facebook.
“Përveç personelit nga FARSH-it dhe FSK-së, pjesë e këtij trajnimi janë edhe pjesëtarë të Agjencisë për Menaxhimin e Emergjencave (AME). Trajnimi ka për qëllim të bëjë përgatitjen dhe aftësimin e pjesëmarrësve për kryerjen e Operacioneve Reale të Kërkim Shpëtimit Urban”, ka shkruar Mehaj.
