U nis nga Serbia: Rrëzohet një avion mallrash i Ukrainës

Një aeroplan mallrash është rrëzuar në qytetit të Kavala në Greqinë veriore

Aeroplani "Antonov-12" që operohet nga një kompani me bazë në Ukrainë po fluturonte nga Serbia në Jordani kur u rrëzua të shtunën, raporton BBC.

Nuk dihet se sa njerëz ishin në bord dhe nëse kishte të mbijetuar.

Transmetuesi shtetëror ERT i Greqisë raportoi se avioni mbante një ngarkesë prej 12 tonësh, duke e përshkruar atë si potencialisht ngarkesë të rrezikshëm.

Thuhet se piloti kërkoi një ulje emergjente në aeroportin e Kavallës për shkak të një problemi me motorin, por nuk ishte në gjendje të arrinte në pistë.

Disa raporte thonë se tetë persona mund të kenë qenë në bordin e avionit.

Zyrtarët lokalë thanë se shtatë makina zjarrfikëse ishin vendosur, por ata nuk mundën t'i afroheshin vendit të përplasjes për shkak të shpërthimeve të vazhdueshme.

"Ne po e trajtojmë ngarkesën si material të rrezikshëm," citoi Reuters të ketë thënë një zyrtar i brigadës së zjarrfikësve.

Deri më tani nuk ka pasur asnjë koment publik nga Ukraina, Serbia apo Jordania.