U ndalua pas homazheve në Prekaz: Vajza e Sanduloviqit lirohet nga policia e Serbisë pasi u intervistua 4 orë
Vajza e politikanit serb Nikola Sanduloviq, Klara u ndalua dje nga policia serbe në pikën kufitare Merdar.
Ajo nuk u lejua për disa orë të hyjë në Serbi, për shkak të vizitës së saj në kompleksin memorial “Adem Jashari” në Prekaz, ku edhe bëri homazhe.
Babi i saj, Nikola Sanduloviq përmes një postimi në “X” ka shkruar se pas 4 orësh marrje në pyetje nga BIA serbe, vajza e tij është lejuar të hyjë në Serbi.
“Pas 4 orësh marrje në pyetje dhe ngacmime nga BIA, Klara Sanduloviq dhe Mihajlo Todiq u lejuan të hyjnë në vendin e tyre! Evropa, Britania e Madhe dhe Amerika duhet ta ndalin këtë regjim diktatorial që po persekuton kundërshtarët politikë dhe familjet e tyre”, ka shkruar Sanduloviq.
After 4 hours of interrogation and harassment by the BIA Klara Sandulović and Mihajlo Todić were allowed to enter their country! Europe, Great Britain and America must stop this dictatorial regime that is persecuting its political opponents and their families!@aliciakearns @FBI
— Nikola Sandulovic (@Sandulovic_N) January 27, 2024
