Trump zgjedh republikanen Elise Stefanik si ambasadore në Kombet e Bashkuara
Presidenti i sapozgjedhur Donald Trump ka përzgjedhur republikanën Elise Stefanik për të shërbyer si ambasadore në Kombet e Bashkuara ndërsa ai përgatitet për një kthim në Shtëpinë e Bardhë në janar.
Stefanik, 40 vjeçe, është kryetare e Konferencës Republikane të Dhomës së Përfaqësuesve. Ajo është një besnike e madhe e Trumpit dhe ka qenë kritike ndaj Kombeve të Bashkuara.
“Elise është një luftëtare tepër e fortë, e ashpër dhe e zgjuar e Amerikës së Parë”, tha Trump në një deklaratë duke konfirmuar zgjedhjen e tij të Stefanik për t'iu bashkuar kabinetit të tij.
