Trump thotë se përfshirja e ShBA-ve në konfliktin Izrael-Iran është një mundësi

Presidenti Donald Trump pranoi se përfshirja e ShBA-ve në konfliktin midis Izraelit dhe Iranit është një mundësi, gjatë një interviste telefonike me ABC News të dielën.

“Nuk jemi të përfshirë në këtë moment. Është e mundur që të përfshihemi. Por për momentin nuk jemi të përfshirë,” tha Trump për Rachel Scott të ABC-së.

Kur u pyet nëse ka ndonjë afat për Iranin që të ulet në tryezën e bisedimeve, presidenti u përgjigj “jo,” sipas Scott.

“Jo, nuk ka afat, por ata po flasin. Ata duan të arrijnë një marrëveshje. Po flasin. Vazhdojnë të flasin,” tha Trump.

Raundi i ardhshëm i negociatave bërthamore ShBA-Iran, që ishte planifikuar të mbahej në Oman të dielën, u anulua. Por Trump tha se iranianët “duan të flasin, dhe do të flasin,” duke shtuar se përshkallëzimet e fundit “mund të kenë detyruar marrëveshjen të ndodhë më shpejt, në fakt.”