Trump kërcënon delegacionin iranian: Nëse e mbyllni Ngushticën e Hormuzit, as s’do të arrini të ktheheni në vendin tuaj

Zyrtarë nga Uashingtoni dhe Teherani po takohen së bashku me ndërmjetës nga Pakistani dhe Katari në Zvicër sot për negociata mbi një marrëveshje të mundshme paqeje SHBA–Iran.

Bisedimet me dyer të mbyllura të sotme janë përqendruar në luftën në Liban, Ngushticën e Hormuzit dhe stokun bërthamor të Iranit, i tha një diplomat i informuar CNN-it.

Edhe pse Zëvendëspresidenti i SHBA-së JD Vance foli për përparim të hershëm në Zvicër, Presidenti Donald Trump kërcënoi delegacionin iranian në një intervistë të dielën.

Në një bisedë me Fox News, presidenti tha se SHBA mund të “marrë kontrollin” e Ngushticës së Hormuzit nëse nuk arrihet marrëveshje me Iranin dhe kërcënoi delegacionin iranian që është mbledhur në Zvicër. “Nëse e mbyllni (Ngushticën e Hormuzit) nuk do të keni më vend,” tha Trump se u kishte thënë zyrtarëve iranianë. “As nuk do të arrini të ktheheni në vendin tuaj.”