Tmerron politikani serb: Nëse do të hynim në luftë për Kosovën, do të aplikoja i pari

Zyrtari i Partisë Socialiste të Serbisë, Dushan Bajatoviq raportohet të ketë thënë se nëse do të duhej të luftonte për Kosovën, do të regjistrohej i pari.

Sipas “Express”, ai në “Informer Tv” ka deklaruar që ka marrë pjesë në luftën në Bosnjë e Hercegovinë, në Vukovar në Kroaci, si dhe në Kosovë.

Duke foluar se “a duan të hynë në luftë për Kosovën”, ai raportohet se ka thënë që do të ishte i pari që do të aplikonte.

“A duam të hyjmë në luftë për Kosovën? Epo, nëse duhet, detyrimi nuk vjen nga ne. Unë do të jem i pari që do të aplikoj. Meqë ra fjala, kam qenë komandant ushtarak, kam qenë në Vukovar, kam qenë në Bosnje, kam qenë në Kosovë. Më thirri vendi im. A është kjo politikë e mirë apo e keqe? Kemi pasur edhe kundërshtime ndaj politikës së Millosheviqit kur Millosheviqi ishte gjallë dhe ishte shef, por ne morëm Republikën Srpska, i bëmë një vepër Kosovës, nuk do të dorëzohemi kaq lehtë. Nuk më intereson se çfarë mendon askush për ne, po të qëndrojmë pa mbështetjen e Rusisë, kjo është marrëzi, do të na hanë për dy ditë, nuk do të ishte vetëm Kosova, por edhe Vojvodina dhe rajoni i Rashkës, dhe unë si individ nuk do ta lejoj këtë.” – citohet se ka thënë ai.