Tensione përgjatë kufirit ukrainas, Bjellorusia nis lëvizjen e trupave dhe pajisjeve ushtarake
Mediat shtetërore të Bjellorusisë kanë raportuar se vendi ka nisur të lëvizë trupat dhe pajisjet ushtarake, ndërsa ka një rritje të tensioneve përgjatë kufirit ukrainas.
Sipas agjencisë shtetërore të lajmeve BelTA, Bjellorusia, aleati më i ngushtë i Rusisë ka njoftuar se po lëviz trupat dhe pajisjet ushtarake, duke përmendur "kërcënimet kundër terrorizmit".
Ky njoftim vjen mes tensioneve të shtuara përgjatë kufirit verior të Ukrainës me Bjellorusinë, i cili u përdor si një platformë nga trupat ruse gjatë pushtimit në shkurt.
“Gjatë kësaj periudhe është planifikuar lëvizja e pajisjeve ushtarake dhe personeli i forcave të sigurisë kombëtare, kufizohet përkohësisht lëvizja e qytetarëve (transporti) përgjatë rrugëve të caktuara publike dhe zonave të terrenit dhe përdorimi i armëve imituese për qëllime stërvitore”, ka raportuar BelTA, duke cituar Këshillin e Sigurimit të Bjellorusisë.
Bjellorusia ka njoftuar gjithashtu fillimin e stërvitjeve ushtarake në përputhje me "fushatën e rekrutimit të vjeshtës për rekrutët e rinj për të marrë trajnimin bazë ushtarak".
Kujtojmë se, gjatë fundjavës, ministri rus i mbrojtjes Sergei Shoigu vizitoi Bjellorusinë dhe u takua me presidentin Alexander Lukashenko.
