Tammy Ziv: Qytetarët do të njoftohen sapo vendimi të hyjë në fuqi

Ambasadorja e Izraelit në Kosovë, Tammy Ziv, ka njoftuar se Qeveria Izraelite ka vendosur të miratojë marrëveshjen për heqjen e vizave për shtetasit e Republikës së Kosovës

Me anë të një postimi në “X”, ajo ka thënë se qytetarët do të njoftohen me kohë sapo vendimi të hyjë në fuqi.

“Më pak se tri vjet pas vendosjes së marrëdhënieve mes dy vendeve tona, Qeveria e Shtetit të Izraelit ka vendosur të miratojë marrëveshjen për heqjen e vizave për shtetasit e Republikës së Kosovës. Të dyja ministritë përkatëse do të vazhdojnë procedurat e nënshkrimit dhe qytetarët do të njoftohen sapo vendimi të hyjë në fuqi. Shpresoj që ky moment historik i veçantë në marrëdhëniet tona dypalëshe do të nxisë më tej bashkëpunimin në rritje midis vendeve tona dhe do t’i afrojë qytetarët tanë”, tha ajo.