Tajvani pretendon se 68 aeroplanë e 13 luftanije kineze e kaluan vijën e mesit të premten
Ministria e Mbrojtjes e Tajvanit tha se deri në orë 17 sipas kohës lokale, 68 aeroplanë e 13 luftanije kineze e kanë kaluar të ashtuquajturën vijë e mesit, vijë jozyrtare e territorit të Tajvanit, por e respektuar më parë.
Përmes një deklarate, kjo ministri tha se i dënon këto veprime dhe se do ta mbrojë sigurinë kombëtare me masa të vendosura. Ministria gjithashtu e akuzoi Kinën për dëmtim serioz të status kuo-s së Ngushticës së Tajvanit.
